Tèt, Kè, Men

Sous: Le Centre Haïtien du Leadership et de l’Excellence (CLE)

Tèt, Kè, Men se yon zouti ou kapab itilize nan pwosesis devlopman yon kominote. Se yon zouti efikas ki pèmèt ou gade epi evalye resous ki genyen nan chak grenn sitwayen ke w ka itilize pandan tout pwosesis la. Li la tou pou pèmèt ou asire pagen yon moun ki rete sou kote men jwenn plas pou chak ak tout moun nan kominote kelkeswa nivo konesans yo, nivo lajan yo, nivo ran sosyal yo. 

Koman pwosesis la dewoule:

Nan yon gwoup 5 moun, yon moun ap rakonte ekzanp yon kominote li konnen ki te fè yon inisyativ san okenn èd/sipò ki soti lòt kote.

• Pale de moun ki te angaje yo nan inisyativ la;
• Ki karaktè moun yo te genyen, ki te ede lide a boujonen?
• Ki sa ki te fasilite jefò sa a reyisi?
• Ki lòt kalite ki ekziste nan gwoup la ki fè inisyattiv la te reyisi?
• Kisa wol ou te jwe nan travay kominotè sa a?

Nan menm gwoup la, fè yon lis tout kapasite moun nan kominote sa a te genyen, ki te pèmèt inisyativ la rive yon siksè.

Panse ak tout kalte/kapasite : Kouraj, detèminasyon, santiman, konesans, elatriye…

• TÈT: Analize, òganize, planifye, jere, fè kontabilite, fè pledwaye, fè biznis;

• KÈ: Okipe timoun, enfimyè, fè la charite, ede moun pòv, ede ak rezoud konfli, ran sèvis pou enklisyon ak patisipasyon moun ki  andikape, pwoteje ti moun vilnerab;
• MEN: Mason, mekanisyen, atizan, koutiryè, kwizinyè, agrikiltè,mizisyen, enjenyè, achitèk, atis.