Sous: Le Centre Haïtien du Leadership et de l’Excellence (CLE) ak Partenariat Pour le Développement Local (PDL)
Kat asosyasyon ak enstitisyon yo, se yon zouti nou kapab itilize nan pwosesis devlopman kominotè ki rele grès kochon kwit kochon an. Li pèmèt nou idantifye tout asosyasyon ak enstitisyon ki genyen nan kominote a, kisa yap fè epi ki relasyon yo devlope ant yo oubyen menm si yo pagen okenn relasyon men li pèmèt ou konnen diferan aktè k ap evolye nan kominote.
Asosyasyon ak enstitisyon, ki diferans?
| Asosyasyon | Enstitisyon | |
| ESTRIKTI YO | Enfòmèl | Fòmèl |
| KILÈS KI LADAN | Moun ki vle | Moun yo anplwaye |
| FASON YO AJI | Moun bay patisipasyon yo | Pòs yo defini aklè |
| MOUN KAP FONKSYONE YO SE | Volontè | Anplwaye |
| KISA KI ENTERESE YO | Moun, Kominote ya | Kliyan |
| OBJEKTIF YO | Fè devlopman | Vann sèvis, Vann pwodwi |
Pouvwa asosyasyon yo
- Gwoup sitwayen fi kou gason ki mobilize tèt yo poukont yo akoz yon menm enterè yo genyen, yon pwoblèm yo bezwen rezoud;
- Yo pran pwòp desizyon yo ansanm sou kisa ki priyorite yo epi sou kisa yo pwal aji;
- Yo gen kontwòl sa yap fè a ak rezilta yap jwenn.
