Sous: Le Centre Haïtien du Leadership et de l’Excellence (CLE) ak Partenariat Pour le Développement Local (PDL)
Kat resous fizik ak natirèl la se yon zouti enpotan nan yon pwosesis devlopman kominotèè Se pou sa li enpòtan pou aprann sitwayen yo trase yon kat kominote kote y ap viv la. Kat la ap montre wout, rivyè, sous dlo, aktivite ekonomik, lekol, legliz, espas jaden, espas forè. Menm moun kip a konn li kapab konprann epi entèprete kat la.
Kat la ap ede:
- Idantifye resous fizik ak natirèl ki gen nan kominote a
- Montre ki jan moun yo ap viv, pozisyon kay chak moun, pozisyon biwo, legliz, …
- Ankouraje entegrasyon tout kategori moun nan refleksyon k ap fèt sou kominote a
- Kreye baz done k ap pèmèt evalye pwogrè k ap fèt apre kèk tan.
Pou reyalize kat la, nou bezwen
- Divès kategori moun: fanm, jèn, gran moun;
- Papye, kreyon;
- Mande moun trase wout prensipal ak lot ti wout ki mennen kote moun rete ak nan jaden yo, kay yo, …
- Chwazi yon senbòl pou chak bagay. Pa ekzanp, yon kare pou reprezante kay, yon drapo pou lekòl, yon kwa pou simetyè;
- Lè nou fin fè yon premye desen, rele lòt moun ki pa te la pou verifye si tout bagay nan plas yo;
- Mete kat sa a nan yon espas kote moun yo ka wè li tout tan epi ajoute chak bagay nouvo ki parèt nan kominote a.
Apre travay la fini, nou bezwen mete n dako sou li ak tout moun.
- Èske yo wè yon bagay ki manke ;
- Eskè gen bagay ki mal plase ;
- Ki jan nou ka itilize kat sa a nan kominote a.
Sa se egzanp yon kat resous Fizik ak natirèl ki te reayalize nan kominote Bayi nan komin Bawon.
