Sous: Le Centre Haïtien du Leadership et de l’Excellence (CLE) ak Partenariat Pour le Développement Local (PDL)
Bwase lide sou mo ‘’devlopman’’
ki sa mo devlopman vle di pou nou, nan òganizasyon oubyen nan kominote nou an? (chak moun ap bay lide pa yo epi tab la ap ekri yon fraz ki ranmase tout lide ki te eksprime yo: 10 minit).
Nan fen bwase lide a, n ap rive antann nou sou youn nan definisyon yo ki kapab :
‘’DEVLOPMAN’’, se yon pwosesis ki pote amelyorasyon nan kalite lavi moun k ap viv nan yon kominote oswa yon peyi
Bwase lide sou konsèp ‘’DEVLOPMAN DIRAB’’
Chak moun ap di sa li panse sou tèm ‘’Devlopman Dirab’’. Apre sa, tab la ap fè sentèz tout lide yo. (10 minit)
- Devlopman dirab : Yon pwosesis ki pote amelyorasyon nan kalite lavi moun k ap viv jodi san kontrarye byennèt jenerasyon k ap vini aprè yo.
- Devlopman sitwayen ap mennen : ‘’grès kochon kwit kochon’’
Yon pwosesis kote moun k ap viv nan yon kominote mennen yo aksyon kap gen yon enpak pozitif sou lavi kominote sa a; yo fè sa san okenn èd ki soti lòt kote. Yo gen kontwòl sa y ap fè a.
Manb kominote a travay ansanm paske se enterè kolektif ak angajman sivik ki motive yo
Se yon metodoloji ki konsidere resous lokal yo tankou poto mitan pou bati tonèl Devlopman Kominotè Dirab;
Li sèvi ak resous ki ekziste yo pou bati kominote pi fò, pi dirab. Li idantifye epi mete an valè kalite ak kapasite moun yo;
| Apwòch Tradisyonèl | Apwòch ABCD |
| Konsidere pwoblèm, bezwen; Kòman pou rezoud pwoblèm; Tann lòt moun vin pote solisyon pou pwoblèm yo; Kilè Leta oswa yon lòt sovè ap vin ede n; Nou pa kapab; Manb kominote a panse yo pa gen anyen, yo pa ka fè anyen; Konsidere bagay lokal pa gen valè; Pa fè konfyans nan sa nou ye ak sa nou konnen; Je nou vire gade sa zòt ap pote. | Konsidere resous, fòs; Reveye lespri kominotè pou pote chanjman; Ki sa m ka fè pou m soti kote m ye a? Nou fè pati nan solisyon an; Kominote a gen resous, moun nan kominote a ka travay; Valorize resous lokal, bay yo valè yo genyen; Valorize resous lokal, bay yo valè yo genyen; Bay konesans ak eksperyans lokal yo valè; sa ogmante fyète; Konte sou sa nou genyen avan tout bagay. |
Resous
Resous, ki sa li ye : yon resous se tout sa ou ka itilize pou rezoud yon pwoblèm, pou satisfè yon bezwen ou genyen, yon lòt moun genyen oswa yon kominote genyen. Tout resous yo pa menm. Sa vle di genyen diferan kalte resous ki ka egziste nan yon kominote. Se kapab :
- Moun
- Konesans, eksperyans, inovasyon, talan ak abilte moun
- Istwa
- Kilti
- Resous fizik
- Resous natirèl
- Resous finans
- Asosyasyon
- Enstitisyon lokal
Konvèsasyon Konstriktif
- Bay ekzanp yon kominote ki te fè yon inisyativ san okenn èd/sipò ki soti lòt kote
- Ki jan yo te ankouraje yonn lòt pandan travay la t ap fèt?
- Karaktè lidè ki te vini ak lide a
- Ki sa ki te fasilite jefò sa a reyisi?
- Ki lòt kalite ki ekziste nan gwoup la ki fè inisyattiv la te reyisi
- Ki wòl ou te jwe nan travay kominotè sa a
- An n gade an detay kèk kalte resous ki enpòtan
