Tèm: alfabetizasyon ekonomik kominotè
Objektif: Konprann dinamik Ekonomi Lokal pou Desizyon Chanjman
Rezilta n ap chache :
- Devlope epi vann nou pwodwi ak sèvis ;
- Ranfòse aktivite tradisyonèl jeratris revni yo;
- Chanje chema depans yo;
- Planifye devlopman lokal.
Etap yo :
- Konsidere yon kominote tankou yon bokit kote gen plizyè tiyo k ap vide dlo ladan l. Chak tiyo sa yo reprezante yon sous rantre lajan
- Fè desen 3 aktè/sektè andedan bokit la: Leta, fanmiy yo ak biznis yo;
- Reprezante sous k ap pote dlo yo sou fòm flèch; yo chak prale nan yon sektè;
- Pral gen flèch ant aktè yo pou montre entè relasyon ki genyen ak aktè yo;
- Gen flèch ki pral soti anba bokit la, nan chak sektè yo pou ale andeyò kominote a : sa reprezante depans yo
Komantè : Nivo dlo andedan bokit la mare ak kantite lajan ki rantre, kantite lajan ki soti ak dinamik ekonomi lokal la.
Lòt adaptasyon
Menm zouti a kapab itilize yon fason pi senp avèk diferan sous rantre lajan pou kominote n ap konsidere a. Nan ka sa a, materyèl la ap gen:
- Bokit la;
- Flèch ki reprezante sous lajan yo. Plis kantite lajan an gwo, se plis flèch la ap gwo;
- Nivo dlo nan bokit la: plis depans yo elve parapò ak revni yo, se plis nivo dlo a ap ba;
- Divès flèch ki soti anba bokit la epi ki reprezante nan ki sa kominote a depanse lajan. Tay flèch yo ap sanble ak volim depans ki fèt.
Komantè:
Apre n fin konsidere divèsite pòs depans yo ak kantite lajan ki soti, apre n fin gade itilite depans yo, nou ka chwazi ki lòd n ap mete: ki depans itil n ap kontinye fè, kilès n ap diminye, kilès n ap siprime.
Lajan ki economize nan ogmantasyon aktivite ak nan diminye kèk nan depans yo dwe envesti nan aktivite ekonomik pwodiktiv, yon fason pou ogmante nivo dlo a nan bokit la.
Ekzèsis sa a kapab sèvis pou dyagnostike yon sitiyasyon. Men, apre dyanostik reayalite a ak analiz menm reyalite sa a, li kapab sèvi tou kòm zouti planifikasyon nouvo inisyativ. Menm jan an tou, li ka sèvi kòm zouti M&E: si n kenbe rezilta dyanostik yo, apre yon tan, nou ka gade kijan sitiyasyon an evolye.
Menm zouti sa a ka itilize nan analiz ekonomi ak planifikasyon familyal.
